إعفونى يا جماعة ... أنا ساقط حساب ...!!!!

لون الكتابة النهاردة اسود حداد على الأمراء

حاسبات العملاقة
القلعة ذات الأسوار العاااااااااااالية

كل يوم بنشوف فيها حاجات عجيبه
ومريبة
وغريبة
وغيرهم كتير من مصطلحات الإستعجاب وكل معانى الإستغراب

المهم
هحكيلكم حكاية جميلة
كان ياما كان
كان فى زمان
فى سالف العصر والأوان
قلعة إسمها قلعة حاسبات العملاقة

القلعة دى كان فيها كل حاجة
الطيب والشرير والنص نص
والحلو والوحش والنص النص
مرت الايام وعدت السنين والطلبة اللى فيها بيشوفوا العجايب والهوايل
وفى يوم
مشمس
سحبه ساطعة
:)
والوروود مزهرة فيه فى بداية فصل الشتاء

فى تمام الساعة الثامنة والنصف صباحاً كان العبييد" الطلبة " واقفين على باب ساحة طلب العلم " المعمل" منتظرين

أمير من أمراء القلعة " المعيد"

و فجأة جه الأمير

وقال لهم بصوته الجهووووووووووووورى أيها العبيييييييييييد

هلموا إلى ساحة طلب العلم

وفتح الحارس العملااااااق باب ساحة طلب العلم

ودخل العبيييد
وكل منهم أتخذ مكانة

وبدا الأمير من موقعه يشرح للعبييييد حكمة اليوم

وفى أثناء الشرح

العبيد كانوا منهم اللى نايم ومنهم الصاحى

والعبييد الصاحيين دول منهم المهيس على الصبح ومنهم الفايق

والفايقين دول منهم اللى بيسمع ومنهم اللى مكبر الطاسة

والناس اللى بتسمع دى بئى

كانوا كارثة السيكشن

كل كلمة يسالوا ويستفسروا

لحد ما وصلنا لنقطة

وكانت حسبة رياضية

:)))
بالرغم من إنها بسيطة

إلا أن الأمير لم يرها

والعبييد نبهوه ليها

وقعدوا يشرحوا

فما كان رد الأمير المتواضع إلا

"" إعفونى يا جماعة ... أنا ساقط حساب ""

بعدها تساقط العبيد مغشياً عليهم من كثرة الضحك المكتوم والصراحة الزائدة والتواضع الواضح من قبل الأمير !!!

وهنا توته توته خلصت الحدوته

حلوه ولا ملتوته ؟؟!!!!

قلعة الحاسبات العملاقة

لكِ الله ولنا نحن العبيد ..الله

وكان الله فى عوننا

الأمير قدوة العبيييد ساقط حساب

أيها الأمراااااااااااااااااء

إنتوا سبتوا إيه للعبيييييييييييييد عشان يسقطوا فيه !!!!!!