ماذا تقول لمن جرح إحساسك ؟؟؟

عندما يخذلون احساسك الجميل.. ويكسرون أحلامك بقسوه..ويرحلون عنك كالأيام.. كالعمر

وينبت في قلبك جرح باتساع الفراغ خلفهم..ثم تأتي بهم الأيام اليك من جديد
فكيف تستقبل عودتهم وماذا تقول لهم؟؟

هل تقول

إنـك نسيتهـم .. أدر لهـم ظهـر قلبـك , وأمـض ِفـي الطـريق المعاكـس

لهـم فربما كان هناك.. فـي الجهة الأخرى.. أناس يستحقونك أكثـر منهـم

أم تقول

إن الأيـام لا تتكـرر.. وإن المـراحـل لا تعـاد .. وإنـك ذات يـوم .. خلفتهـم

تمـامـاً كمـا خلفــوك فــي الـوراء وإن العـمـر لا يعـود إلــى الــوراء أبــداً

أم تقول

إنك لفظت آخر أحلامك بهـم.. حين لفظت قلوبهـم.. وإنك بكيت خلفهـم

كثيـراً حتـى إقتنعـت بمـوتهـم وإنـك لا تملـك قـدرة إعادتهم إلـى الحياة

فــي قلبــك مــرة أخــرى بعــد أن إختــاروا الـمــوت فيــك

أم تقول

إن رحـيلهــم جعلـك تعـيـد إكتشاف نفسـك.. وإكتشـاف الأشيـاء حولـك

وإنـك إكتشفــت أنهـم ليـسـوا آخـر المشـوار.. ولا آخـر الإحساس.. ولاآخـر الأحـلام..

وأن هنـاك أشيـاء أخــرى جـمـيلـة…. ورائعــة تـستـحــق الـحـيــاة وإسـتـمــراريـتــهــا

أم تقول

إنـك أعـدت طـلاء نفـسـك بعـدهـم.. وأزلـت آثـار بصمـاتـهـم مـن جـدران

أعماقـك.. وأقتلعـت كـل خناجـرهم من ظهرك وأعدت ولادتك مـن جديـد

وحرصت على تنقية المساحات الملوثة منهـم بك ، وإن مساحتك النقيـةمـــا عـــادت تـتـســع لـهـــم

أم تقول

إنك أغلقت كـل محطات الإنتظار خلفهـم.. فلـم تعـد ترتـدي رداء الشـوق
وتقـف فـوق محطـات عودتهـم.. تترقـب القـادميـن.. وتدقـق في وجـوه المسافريـن..

وتبحث في الزحام عـن ظلالهـم وعطـرهـم وأثـرهـم عـل

صـدفــة جـمـيـلــة تـأتــي بـهــم إلـيــك

أم تقول

ان صـلاحيتهـم إنتهت.. وأن النبض في قلبك ليس بنبضهم.. وأن المكان

وأســى وذكـــرى الأمـــل




أم تقول

إنـك نزفتهـم في لحظـات ألمـك كدمـك…. وإنـك أطلقـت سراحهـم منـك كـالطيـور

وأغلقـت الأبـواب دونـهـم وعـاهـدت نفسـك ألا تفـتـح أبـوابـك إلا لأولئـك

الــذيــن يسـتـحـقـــون

أم تقول

إن لكـل إحسـاس زماناً.. ولكل حلم زماناً.. ولكـل حكايـة زمانـاً.. ولكـل

حزن زماناً.. ولكل فـرح زمانـاً.. ولكل بشـر زمانـاً.. ولكـل فرسـان زمانـاً
وإن زمنهـم إنتهـى بــك منـذ زمــن

أم لا تقل لهم شيئا.. إستقبلهم بصمت فللصمت أحيـاناً قـدرة فائقـة علـى
التعبيـر عمـا تعجـز الحـروف والكلمـات عـن تـوضيحــه

إذا جرح احساسك من شخص ما ومر بك الزمان وقرر أن يعود لك مرة اخرى
هل يمكن أن تسامحة ؟ وتبدأ معه صفحة جديدة ؟ أم كيف ستستقبل عودته ؟واذا فعلت ، هل مشاعرك هي نفسها كما كانت سابقا؟

المصدر

http://www.orwaismail.com/site/new-post/alaa-1/#more-318

يا ترى كل واحد منكم هيقول ايه ؟؟؟

عن نفسى أنا طفسة هنا أوى :)

وبحب أقول كل حاجه

شكش حياتك

اممممممممممم
بعد الإمتحان الأخير دا
اكتشفت انى بحاجة إلى انى اشكش حياتى تانى
زى ما زكيه زكريا كانت بتشكش الكرسى بمسامير النملية
:))

المهم
أول إمتحان
الشبكات
روحت اللجنة ومكنتش نمت
وطبعا منمتش يعنى فى انا فى التراوه
وربنا يستر

تانى إمتحان
كان زفت ويير
منمتش برده إلا ساعتين ولا حاجه
ووالله كنت مذاكره
وتقريبا ملحقتش اراجع
وانا ملحقش اراجع يعنى مذاكرتش
ومنمتش
يعنى كملت
وربنا يستر


تالت امتحان
كان قواعد البيانات
مش عارفه ليه كل الناس خارجه تشتم فيه وأنا حاسه انى حليت كويس فيه
بالرغم من انى قلبت المادة فى المذاكرة
ومبحبش اساسا قواعد البيانات
:(
وربنا يستر من الإحساس بالحل الحلو دا


رابع مادة
البحث العلمى للبشمهندسه الدكتوره العميده بته
وبته يعنى بطه يعنى فاطمة
يعنى دكتورة زى الفل
:))
وعميدة أفلل بجد
:((

المهم
ذاكرت المادةدى بالعافية والله
ذاكرتها بالعافيه لإنها بالعربى وحفظ وأنا مبعرفش احفظ ونسيت المذاكره اللى بالعربى دى
:((
وطبعا المادة كان قبلها يومين كاملين غير نص اليوم اللى باقى بتاع الإمتحان اللى قبلها
أنا ذاكرت المادة دى ليلة الإمتحان
وبالعاااااااافيه
كل وسائل تضييع الوقت عملتها
سواء نوم
ولا أكل
و اعد مع الضيوف
وادخل المطبخ مع ماما اغسل المواعين
وانا عمرى ما عملتها من كام سنه
لدرجة انى نسيت هما كانوا بيغسلوا المواعين إزاى
وياترى بيستعملوا صابون ولا اسيتون

مش عارفه

المهم
نمت فى المادة دى وراجعت كمااااااان كام شابتر كدا

دخلت لجنة الإمتحان
اول ما خدت الورقة
كتبت اسمى فى مكانه
وكتبته تانى مكان اسم المادة
:((

الورقة اتغيرت
وخدت ورقة الاسئلة
أول سؤال اكنه جاى من مناهج المريخ
بصتله وحسيت ان مخى اتفرمت
وبما انى معنتش بغش خلاص وتبت إلى الله
ف مكنش ينفع اخد الإجابه من حد
اعدت افتكر وافتكر
بس مش كتير يعنى
واستسلمت فى الآخر

المهم كملت الإمتحان
جزء تأليف
وجزء تخريف
وجزء من الكتاب اللطيف

وخلصت الإمتحان

خرجت من اللجنة لاقيت العيال بيقولوا السؤالين دول وبيتكلموا فيهم
اترن السؤالين دول
كانوا اول شابتر فى المنهج كله
يعنى الشابتر اللى حفظاه صم
يعنى الشابترا للى ذاكرته اكتر من 5 مرات
وراجعته قبل ما امسك ورقة الإمتحان
ونمت قبل الإمتحان

:(((
المصيبه إنى نسيت ان فى حاجه اسمها شابتر 1 فى المنهج وانه فيه الكلام دا

وليس لى أن اقول سوى
إنا لله وإنا إليه راجعون

النهاره الجمعة 23/1/2009
اليوم التالى لإمتحان البحث العلمى
:((


ياترى إزاى بعد كل دا
اقدر اشكش حياتى تانى
؟؟؟؟؟؟؟؟؟؟؟؟؟؟؟؟؟؟؟؟؟؟

زى انهارده

زى انهارده انا كنت اسعد من انهارده 

20/1/2008


مرت سنه على التاريخ ده

كان ليلة امتحان الويب 

اللى الحمد لله رحته من غير ما اذاكر ولا كلمه 

يلا ربنا يسامح اللى كان السبب

حبيت بس اسجل اليوم ده على المدونه 

يمكن بعدين تبقى ذكرى ابتسم لما افتكرها

Mai Ragab

 

الجودة وبتوع الجودة ....:((((

يا معييييييييين يارب

الجودة !!!!

بتوع الجودة !!!

ياعم دول الجودة !!!

:((((

أنا مكنتش ناوية اكتب

بس اتخنقت خلااااااااااص

وزهقت وقرفت وطهقت

أولا : حاجه عايزه أقولها لكن من يهمس أو يفكر إن بتوع الجودة عايزين حاجه من اللى هم متخيلينها" درجة ولا تكريم ولا اسم "

كل اللى اشترك فيها اشترك لهدف واحد

وهو إننا نحسن الكلية

وفعلا الحمدلله عملنا حاجات كتير وإن متكتبش عليها اسمنا ومحدش عرف إننا اللى عملنا ليها

وكذلك الإتحاد عمل حاجات كتير وإن مكنش برده الكل عارف انهم هم اللى سعوا لاننا نوصل لكدا

بس فى حاجه مش معنى إن فى حد يتصرف تصرف ما يبئى بتوع الجودة عاجبهم كدا وعايزين كدا

إحنا طلبة فى الاول والاخر ... واللى بيضايق زمايلنا بيضايقنا

محدش دخل الجودة عشان دكتور يكرم ولا حتى يدى درجة زيادة

ومحدش دخل عشان يبئى اسمه انا فى فريق الجودة ويظهر

واللى بيدخل عايز حاجه من دى بيبان

ومبيحصلش عليها اساسا " كل واحد ونيتة بئى "

فى حاجات بتحصل اللى يعرفها يقول ايوه يا عم

مانتا جودة

وتعليقات على سبيل " اللى اداك يدينا "

وهمس ولمز وحاجات مش ظريفه ابدا يعنى

لكن ميعرفش إن اول ناس بتكون متضايقه بتوع الجودة

:((((((

انا معنتش عارفه أقول ايه

من النهايه عايزه أقول

إحنا طلــــــــــــــــــبــــــــــة فى البداية والنهاية

شوفوا الطالب بيبص للى بيحصل إزاى

إحنا بنبصله نفس النظرة

مبنبئاش فرحانين يعنى

كمان حاجه

لو حد من أعضاء الجودة خد حاجه زيادة عن حقه فى التعليم والتمييز عن غيره

يبئى بياخد مكان حد غيره يستاهله

وإحنا ميرضيناش ان الموقف دا يحصل معانا

وإننا نكون نستاهل مكان ما او درجة أو تمييز وحد غيرنا ياخده لمجرد إنه ظاهر او إنه ضمن فرقة ما

الجودة بالنسبالى على الاقل

هى أخلاق ومبادئ وكل واحد ياخد حقه

وعلى اد ما تزرع على اد ما تحصد

بس خلاص

نؤيد سيااادتك !!!

االشاعر أحمد فؤاد نجم

واخر إبداعاته

:)

نؤيد سيادتك لفترة جديدة

نكمل خلالها المسيرة السعيدة

و بالمرة فيها نبيع

مفيش حاجة تانية نبيعها خلاص

نؤيد سيادتك لأجل المزيد

من اللي تحقق بفضلك أكيد

بقينا خلاص ع الحميد المجيد

و ربك لوحده فى ايده الخلاص

نبايع سيادته ولا حد غيره

كفايا علينا نبرطع في خيره

و نوم شعب مصر العظيمة و شخيره

يقول للحرامي ما تسرق كمان

نبايع سيادته وابنه وحفيده

مفيش زي فكره قديمه و جديده

خرابك يا مالطة حيحصل بايده

ومين فيكي يعني بيسمع آذان

نبوس ايد سيادتك و رجلك كمان

تخليك معانا يا ريس عشان

وجودك ضرورة فرضها الزمان

و من غير وجودك حقيقي نضيع

دي مصر بتاعتك و احنا ضيوفك

كفايا علينا يا ريس نشوفك

و عاذرين سيادتك و فاهمين ظروفك

عليك بس تؤمر و احنا نطيع

في جزمة سيادتك كلابك يبوسوا

و فوق الغلابة بجزمهم يدوسوا

و شعبك ليلاتي يا ريس غموسه

مذلة و مهانة و حوجة و مر

لكن يعني ما دمنا شعب انتساب

و دايما وأبدا فى حالة غياب

متعملش لينا يا ريس حساب

دي عزبة سيادتك و فيها أنت حر

و دستور ما دستورشى مش فارقة خالص

كلام فاضي كله يا فندم بناقص

كفايا علينا الفساد اللي ماصص

عرقنا و معشش و ضارب جذوره

و ايه يعني تهري جتتنا البلاوي

يوماتي كوارث، فضايح، رشاوي

كفايا علينا القعاد في القهاوي

بنستنى لما الوريث ييجي دوره

كنتم مع

أحمد فؤاد نجم

الميزان

العاقل من وضع عقله في كفه ووضع قلبه في الكفة الاخرى

لأن القلب مليء بالعواطف والاحاسيس والمشاعر الجياشه

التي تجعل الانسان يتبع قلبه لانها تشبع غرائزه

وحتى لو كان الطريق الذي اتبع

فيه الانسان قلبه خاطئا فسيتبعه لأنه يسير على هواه

لذلك على الإنسان

أن يترك قلبه ويتبع عقله

لأن العقل الذي خلقه وابدعه الخالق جعله

يفكر على طريقة الصواب وعلى السبيل الصحيح للنجاة

وهو بذلك لن يتبع إلا ما هو سليم

لان طريقه سيكون مستقيما ولن يسير على هواه كما يفعل القلب

فاتبع يا إنسان عقلك فلا تندم

أحذرك من عواقب لذة ملذتها تفنى ويبقى الوزر

لمؤاخذه يا بنوتات لحظة توبه كده قمت كاتباها

مطر ... مطر ... مطر

عيش الحياة .... تحت المطر

المطـــــــر

وإحنا صغيرين

أو وأنا صغيره يعنى

كنت على طول أول ما اعرف ان الدنيا بتمطر وأنا فى البيت

أروح أقف ورا الأزاز واتفرج على المطر وهو نازل بسرررررررعه

وترااااااااااااااااااااخ زخة المطر ترتطم بالأرض

ومع نفسى كدا كنت اعد أغنى الأغنية الشهيره بتاعت المطر

" الدنيا بتشتى

وأروح ل سيتى

تدينى فطيرة

أكلها وأنام

تحت الحصيرة

::)))"

لسه بفتكر الاغنية دى لحد دلوقتى

بس معنتش بغنيها الحقيقة

برده وأنا صغيره

أيام الأبتدائى كدا

المدرسة بتاعتى الحوش اللى فيهااكان عبارة عن مناطق مرتفعه ومناطق منخفضة وكدا يعنى

ولما الدنيا كانت تشتى كانت دايما الحتت المنخفضة دى تتجمع فيها المية

أقوم انا واختى نمشى فى المية دى

ومش بعيد نقلع الكوتشى ونمشى بالشراب

ومش بعيد برده إننا نقلع الشراب عشان ميتبلش وننزل حافيين

وتراااااخ ترااااااخ برجلينا فى المية

" على بالنا إن دا بحر راس البر ولا حاجه:))"

أما بئى لما كبرت شويه ورحت إعدادى

إلى يومنا هذا وانا احب امشى تحت المطررر

اه ببئى اتبليت وتلجت ومش قادرة احرك صوابعى

وازرقيت وكل حاجه ممكنه

مش بعيد أكون اتحنطت وانا ماشيه تحت المطر

لكن إزاااااااى لازم امشى بالراحه واحس بالمطر وهو

ترااااااخ على وشى

:))

أحيانا صفعات المطر لوشنا بيبئى إحساس ممتع

لكن لما المطر بيشتد ويجمد

...

هنا

...

بضطر إنى أمشى بسرعة

:((

وفى مرحلة الثانوى بئى

لما كنا بناخد المدارس الشعرية

بقيت بحب الشعر

بس مش كله الحقيقه

مدارس مدارس

ومن ضمن الناس اللى كان ليها حاجات بتعجبنى

كان بدر شاكر السياب

وليه أنشودة اسمها أنشودة المطر

جزء منها بيقول

تثاءبَ المساءُ

والغيومُ ما تزال

تسحّ ما تسحّ من دموعها الثقال:

كأنّ طفلاً باتَ يهذي قبلَ أنْ ينام

بأنّ أمّه - التي أفاقَ منذ عام

فلم يجدْها، ثم حين لجَّ في السؤال

قالوا له: "بعد غدٍ تعود" -

لا بدّ أنْ تعود

وإنْ تهامسَ الرفاقُ

أنّها هناك

في جانبِ التلِ تنامُ نومةَ اللحود

،تسفُّ من ترابها وتشربُ المطر

*************

أتعلمين أيَّ حزنٍ يبعثُ المطر؟

وكيف تنشجُ المزاريبُ إذا انهمر؟

وكيف يشعرُ الوحيدُ فيه بالضياع؟

بلا انتهاء_ كالدمِ المُراق، كالجياع كالحبّ كالأطفالِ كالموتى –

هو المطر

*************

وكم ذرفنا ليلةَ الرحيل من دموع

ثم اعتللنا - خوفَ أن نُلامَ - بالمطر

مطر

مطر

ومنذ أن كنّا صغاراً،

كانت السماءتغيمُ في الشتاء

ويهطلُ المطر