عيب عليك ... دي أقل كلمة أقولها ليك !!

في يوم من الأيام وبالتحديد يوم السبت بعد إمتحان

الASP

واقفة مع العيال بتوعي وبنرغي

قمت سألتهم سؤال وطلعوا هم كمان عندهم نفس الملحوظة والسؤال

ووعدتهم إني هحطلهم بوست ع البلوج بتاعي نرغي فيه ف الموضوع دا

لربما حد يقدر يساعدنا بمعلومة كدا ولا كدا

ولا سبب كدا ولا كدا

أولاً : أحب أهنئ الشعب البلوجاتي بالعامين الهجري والميلادي الجداد
وأتمنى إنهم يكونوا حلوين وقطاقيط كدا إن شاء الله
ونتخرج فيهم على خير :)
عقبال عيالكم :))

المهم

بعد صراااااااااع طويييييل مع النفس ف إني ألاقي كلمة تعبر عن اللي جوايا

مع الإحتفاظ على طبقة الإحترام الهشة للي برغي في سيرتهم

ملقتش أحسن من مقولة معلمة الأجيال الفاضلة اللي بتقول

" عيب عليك دي أقل كلمة أقولها ليك !! "

بجد بجد بجد يعني

ببئى نفسي أبعبع وأقول وأنطق وأهزق وأزعق

وكل المصطلحات الممكنة اللي بتعبر عن إنك مخنوق ومصدوم وأرفان وكل حاجه

لما تلاقي ....

راااااااجل كبييييير ف السن ومحترم وملو هدومه زي ما بيقولوا

وتلاقيه غاوي يعاكس البنات الصغيرين اللي ف سن عياله

أو يهزر هزار غبي وملهوش لازمة

أو يستظرف !!!

لاااااااااااا والخييييييبة إنه مفكر نفسه ظريف ودمه خفيف!!!

يعني بجد بجد بجد

ليه الرااااااااجل المصري لما بيكبر في السن بيكون قليل الأدب ؟؟؟

سؤال مش لاقياله أجابة

يعني إيه أصلاً قليل الأدب ؟؟

يعني ...

أولاً : عمري ما لقيت زوجة محترمة ومربية أجيال فاضلة بتشكر في جوزها بعد ما السنين عدوا عليهم ... بيتوصى بيها بالأبتسامات دائماً والأسلوب اللبق في التعامل ...

ثانياً : تلاقي ا لراجل أد أبويا ولا أكبر وبيستظرف وبيستلطف نفسه وبيهزر ويعاكس

ياعم الكتكوت أنت ... طيب أنا في حضرتي إيه يتهزر عشانه ولا تعاكس عشانه!!!

على رأي اللي بيقولوها خيمة ماشية

ولا هي عدوى وماشيه في الجو؟؟؟

زي اللي يشم نشادر تلاقيه يعطس على طول !!!!

ما تحترم ذاتك يا زميل

السؤال التاني اللي بيصول ويجول في دماغي

لما الشباب المحترم بتاعنا دا يكبر ويكون في سن عمو الكتكوت

ياترى هم كمان هيتحولوا لكتاكيت ظريفة ولطيفة ؟؟؟

شئ مرعب لو حصلتلهم عملية تحول هم كمان:((

بجد وبأمانه

من أولاً وثانياً دول فقط

أنا كرهت جنس الكتاكيت دول كلهم

قبل عملية التحول وبالطبع وقطعاً وابسليوتلي

بعد عملية التحول لتكاكيت ظريفة !!!

وربنا ما يوقعنا في كتكوت ظريف أبداً

وحسبي الله ونعم الوكيل فيكم :((

انظر وراءك في عضب !!!

في أحدى المرات اللي بيقع فيها ..ف ايدي جريده وغالباً ما تكون المصري اليوم
حقاً أكن أحترام لتلك الجريدة الرائعة
ولربما أكن لها الإحترام
لأنها فقط هي الوحيدة التي تقع في يدي !!!!
بشكل أوبآخر ... فهي جريدة أعجبتني
المهم ... هذه المرة قرأت مقال جذب إنتباهي وفضولي لعنوانه
المقال بعنوان
انظر وراءك في غضب
كتبته الصحفية مي عزام بتاريخ
10يوليو 2009
تقول فيه :
"انظر وراءك في غضب " عنوان لمسرحية كتبها الإنجليزي الراحل جون أوزبورن عام 1956 ، عقب فترة تحولات قيمية واجتماعية عاشتها الشعوب الأوروبية بعد حرب مجنونة دمرت الأخضر واليابس وتركت ملايين الضحايا حول العالم ، جعلت المبدعين والمفكرين يشعرون بعبث الوجود ولا معقولية حياة تطلب الموت من أجل الحياة ، وبدأت صيحات الغضب والتمرد على هذا المجتمع في كسر السائد والخروج على المألوف بمنظومة فنية تكسر الجمود وتثور على الواقع .تذكرت عنوان هذه المسرحية وأنا أشاهد التليفزيون وأتنقل بين القنوات الفضائية المصرية والعربية ، وأجدها تنظر وراءها بشوف وعشق يعميهاعن الفصل بين الصواب والخطأ ، فلا يوجد عصر معصوم من الخطأ حتى عصور الرسل لم تسلم من الوقوع في الأخطاء .

وفي الأساطير القديمة وحكايات ألف ليلة وليلة تجد دائماً نصيحة وتحذير من حكيم الزمان ، عندما تسير في طريق حصولك على مرادك لاتنظر وراءك ، مهما سمعت من جلبة ومهما شعرب بفضول لا تنظر وراءك . استوقفني دائما هذا التحذير الذي تجده في كل النصوص التي تعتمد على حكمة وخبرة الشعوب وبكل اللغات.

لماذا النصح وأنت تبحث عن ضالتك المنشودة بألا تنظر وراءك ؟؟ ماذا يوجد وراء الإنسان ويعوقه عن السير قدماً ؟؟

خلفنا ما تركناه ولا يمكننا استعادته : ماضينا الذي يعوقنا أحياناً كثيرة عن استكمال مسيرتنا نحو المستقبل ، يكبلنا بالمخاوف والألم والأمل الكاذب في استعادته من أجل تغييره وكأنه يمكننا ذلك .

النسيان على حد قول الفيلسوف الألماني نيتشه هو فعل إنساني جداً وقدرة إيجابية بالمعنى الدقيق للكلمة ، قدرة تغلق من آن لآخر أبواب الوعي ونوافذه فتحول دون تدفق الماضي ، وسعيه لأن يحضر ويحيا ويتطابق . ولأن الشعوب العربية محاصرة بالماضي ، تفر منا اللحظة ولا نستمتع بشبق تخيل المستقبل وهو يعانق الأفق . نعيش الماضي بأحداثه التي لا نستطيع محوها أو تغييرها فتثقل كاهلنا ، نسير بعبء حملها أينما ذهبنا ، نتحول لجثث تحمل رائحة الموت وشواهد القبور .

بالنسبة لشخص عادي مثلي لا يفهم كثيراً في تفاصيل النظريات العلمية فإن عبقرية أينشتاين تتمثل لي في تنبيهنا لبعد الزمن باعتباره البعد الرابع في الطول والعرض والإرتفاع التي درسناها في الهندسة في طفولتنا . الزمن عند أينشتاين ثابت كالأضلاع الثلاثة السابقة ، ونحن المتحركون .

تخيل معي الزمن شريط قطار ممتداً من الأزل وإلى الأبد ، النقطة التي نتجاوزها تصبح ماضياً ، و التي نقف عندها حاضر ، والتي سنخطوها مستقبل ، ثلاث نقاط متقاربة جداً لكنها تختلف في سيطرتك عليها ، فالنقطة التي تركتها للتو لا سلطان لك عليها وليست موجودة إلا في ذاكرتك ، التي تقف عندها تملكها والقادمة تملكك.

ولكن هل معنى دعوتي بعدم النظر إلى الخلف وعدم استبقائنا للماضي أن ننساه أو نتجاهله ، أو ندخل المستقبل بدونه ؟ بالطبع لا فالماضي هو ذاكرتنا التي تصوغ خبراتنا في الحياة , لو دخلنا الحاضر دون ماض فهذا معناه أننا مسحنا علمنا ومعرفتنا .

كيف سنواجه المستقبل دون تعلم ؟ هذا شرط التعامل مع الماضي ان يكون عوناً لك وليس عبئاً عليك ، إنه مرحلة لا يجوز القياس عليها ولكن فقط الاستعانة بها في وضع قياسات جديدة لحاضرك ولمستقبلك . علينا ألا نهمل خبرات الماضي لكن ليس إلى حد تحولها إلى "تابوه" يعصى على التكرار .

*********

انتهى المقال

الماضي

عائق وتحدي

ومحفز ومساعد في نفس الوقت

ولكن أي منهما سنختار ؟؟

على حسب إختيارنا تكون النتيجة

شكلهم عارفيين بعض !!!!

السلااااااااااااااااااام عليكم ورحمة الله وبركاته

أهلاااااااااا ومرحبااااااااااااااا بكم من جديد في مدونة إفتكاسات

بعد مدة طويلة من الغياب ورغبة في التدوين من أيام أول يوم في الأجازة !!!!

بس الحقيقة الكسل مسابليش فرصة

المهم الأيام دي ماشااااااااااااااااء الله غنيه ومليئة بالأحداث

وبعد ما الواحد قرب ينفجر إن مكانش إنفجر قررنا إننا نعود للتدوين لربما إن اي شئ يروح وخلاص

وفي خضم المعااااااااااااارك

حصل موقف غريييييييييييييب

خير اللهم اجعله خير

وحضرتي برفع ملف على حضرت الموقع المبجل

قاااااااااااام الغلس ناقلني على صفحة المحترم

إيه اللي جاب دا لدا مش عارفه

قولت خلاص اسجل دخول ع المحترم واهه بالمرة لما أرفع الملف هيفضل موجود

الغللللللللس جيت اسجل دخول قام جاي ناقلني تاني على الاغلس منه

غريبة !!!

شكلهم عارفين بعض !!!!

حــادى بـــادى نـــانـــا

اليكـــــم نزف اول اعياد ميلاد الثلاثى المرح فى بلوجنا السعيد
 
حادى بادى يويو

 

عيد ميلاد النونو 

النونو مين ؟

النونو نانا

نانا النونو

 

نونو النانا

 

نانا نانا يويو
 
حادى بادى يويو 
::::::::::::::::::::::::::::::::::::::::::::::::::::

نـــــانـــــــا كل سنــــــة وانتــــــــي بـــــــــألف خيـــــــــــر

وهنــــــــــــــــــــــــــا وفـــــرح ....... كتــــــــــير كتـــــير

وســـــــعـــــــــــــــــــــــادة وحــــــــــــــــــب كبيـــــــــــــر

ويــــــــــــارب السنـــــــــة دي تتحققــــــــــلك كــل احلامــكـ
 
ويـــــفرح عيــــــــونـــــك ويسعـــــــــــــــد أيـــــــامـــــــكـ 

وتلاقي فـارس احلامــــــك ..حبيبـــــــــــــــــك الاميـــــــــــر

اللي يخطفك على حصانه الابيض ويهـــــرب بيكــي ويطيـــــر

بس افتكري ان ليكـــي ناس بتحبك أوي وتتمنالك كل الخــــير

يارب اشوفك دايماً سعيدة ...يـارب اشوفـــك دايماً بخـــــــــير

:::::::::::::::::::::::::::::::::::::::::::::::::::::::::::::::::::


خلاص النونو كبر وبقى عنده 20 سنه بحالهم
 

عقبال مية سنه يا نانا ويارب نفضل اصحاب كده علطول 



دول بقى شويه هدايا اقعدى بقى سلى نفسك وافتحى فيهم طول الاجازه :D




طبعا مش هنسى التورته عشان اكلها :P




البلاليين دول يارب يفرعقوا لو مجبتيش ليا واحده:P 

بس خلاص 

فيلم هـــــــنـــــــدى- قصة مؤلمة :((

الحقيقة القصة دى جاتلى على الإيميل

أثرت فيا جداااااااااااااااااااااا

إما قرأتها مقدرتش أمسك نفسى

مستحيل يكون فى شخص بالقسوة دى

لية البشر بقوا كدا

:(((

واحد شرير ..إيه ذنب الضحيه إنه يحصله كدا

:((

والأولاد والأسرة

يتشردوا من بعده !!!!

لا إله إلا الله

إقرأو القصة ومعاها الشواهد بالصور

وشوفوا ظلم البشر

------------

كان كومار يمشي في سبحانيته
بين شوارع الهند
وفجأه

اطلق عليه مجرم الرصاص

واخترقت الرصاصه ظهر كومار
وتمركزت في قلبه على طول

المجرم هــــــــرب
وصار كومار المسكين يصارع الموت



وفكر ؟

ماذا عساة ان يفعل في آخر لحظات حياتةقبل أن يدركة الموت ..

فقرر

ان يسير إلى البيت فنهض..

والدماء تسيل من قلبه

(( وهو يصارع الموت )) فقرر ان يتوجة الى أقرب محل للأنترنت ..

فجلس والطلقة بين احشاءه

(( وهو يصارع الموت ))

ومن حسن حظة انة اخيرا تعرف على فتاة

فتواعدوا
وذهب للمطعم والرصاصه تعصر قلبه
(( وهو يصارع الموت ))

كان كومار ذيب

سيطر على كوماري واخذ قلبها

فقرروا ان يتزوجوا

ودمه يسيل من قلبه إلى الركب

(( وهو يصارع الموت ))

وبعد تسع شهور

أنجبت له ولد وسمياه راج..
(( وهو يصارع الموت ))

تحامل على نفسه وذهب إلى المستشفى يراه

وبعد خمس سنوات كبر راج
وعلمه كومار لعب الكوره

(( وهو يصارع الموت ))

فنشأ راج سعيدا

بتربيه صالحة

وبعد اربع سنوات

حصل على البكالريوس

وذهب الاب كومار لحفل التخرج وهو ملطخ بالدماء
(( وهو يصارع الموت ))

وبعد عشر سنوات من العمل الناجح
تعرف الابن راج على فتاة
وقرر ان يتزوجها

فذهب الاب كومار للزواج وهو ممتلئ بالدماء
والرصاصه تكاد تخنقه وتوقف قلبه

(( وهو يصارع الموت ))

والحمد لله
اصبح للولد راج طفل صغير
سموه سرندر

واصبح كومار جد

واستحمل الالم وقسوة الرصاصه

وذهب للمستشفى
(( وهو يصارع الموت ))

ومرت السنين والايام

وكبر كومار

واصيب بمرض السكري !!

ولم يستطيع ان يغادر فراش المستشفى
فقد فتك السكري بعظامه

ولكنه
يستحمل الالم لعائلته

ويستحمل طلقة الرصاصه التي اصابته منذ اربعين سنه
بين ضلوعه المتمزقه

(( وهو يصارع الموت ))

وتقريبآآآ خلص الفيلم وهو ما مااات

عمركم شوفتوا وفااااااء اكتر من كدا يا بنى آدمين

الراجل من اربعين سنه مصاب بطلقة نارية فى القلللللللللللللللللللب

ومستحمل عشان عيلته

أهو دا وفاء كومار فى الأفلام الهندية ولا بلاااااااااااش

أتمنى تكونوا أتأثرتوا جامد أأأووووووووووووووووووى وأستمتعتوا معانا بعموا كومار

:))))
وكل فيلم هندى وإنتوا طيبين

كوافير صلاح للسيارات !!!!

المفروض لما حد بيغلط غلطه

بياخد باله بعد كدا

وميكررش نفس الغلط وخصوصا إنه عرف الصح ايه ....

إنما إنك لما كل مره تعدى من أدام نفس الإعلان وفى نفس المكان

وانت نفسك ..نفس ذات الشخص متغيرتش

وتغلط نفس الغلطة !!!!

يبئى أكيد فيك حاجه غلط

كل مره أعدى من ادام نفس الإعلان ..نفس المكان ..مش بعيد يكون نفس التوقيت

وانا نفس الشخص

واقرأ الإعلان غلط

الإعلان بالخط العريض

كوافير صلاح للسيدات

وحضراتنا بئى لازم اقرأها كل مرة

كوافير صلاح للسيارات

!!!!!!!!!!

:))))

الغريب يعنى حتى ان الواحد المفروض يشغل عقله

هو فى كوافير للسيارات ؟؟؟؟؟؟؟؟؟؟؟؟؟

ربنا يهدينى يارب

إدعولى بالهدايه

هنروح الجونينة ونشبك إيديناااا

هالووووووووووووووووووووو ماى دييييييييييييييرز

النهارده كان يوووووووووووووووم تووووووووووووووووووووحفه بجد

بجميع المقاييس

:)))

الحمدلله

الأول

النهارده الخميس .. آخر يوم فى إمتحانات الميد ترم

بجد الواحد كان حاسس إنه بيختنق وبيحتضر خلااوييييييييييييص

االمهم

كان عندنا مادة دكتور نأنووووووووووووووووووون

:))

و Have Fun يا بشر

الدكتور جاب الإمتحان .... حلو

ولكنننننننن " اسم المااااااااااادة "

ههههههههههههههههه إنه لمن دواعى سرورى انى أقول اسم المادة العظييييييييييمه اللى بندرسها

واسم المادة اللى جالنا فى الإمتحان

اسم المادة الطبيعى الاورجانيك زى ما بيقولوا

Network Programming

ولكن !!!

اسم المادة اللى جه

Data storage & Retival

:))))

وهى دى مصر يا عبله

المهم حلينا الإمتحان طبعا وكلنا خرجنا

وجه وقت اللحظة الحاااااااسمة

هنحتفل فييييييييين بمناسبة إنتهاء امتحانات الميد تيرم

احنا البنات كنا إتفقنا قبل كدا إننا هنخرج

ولكن الحس الطفولى والتشرد البشرى دق نواقيس قلبى

و نواقيس جمع ناقوس

:)))

المهم

اتفقنا إننا نروح جونينة جزيييييرة الوررررررررررررررد

وكان يووووووووووووم توووووووووووووووحفه

اسجل لحظاته بئى للزمن

اولاً ماشاء الله ماشاء الله

عددنا كان 14 بنت

انا وناهد ومى وهبه عبد العزيز وهبه ممدوم وميمى وايمان شعبان و سارة ونسمة واسراء وهدى ورضوى وامانى وبسمة

:))

قولوا ماشاء الله

وكان تجمع جميييييييييل جدااااا

طلعنا من عند البارون واتصورنا فى الحته الحلوه اللى كلها أعلام دى

العيال دووول اللى يشوفهم وهم بيتصوروا يقول عليهم محرومين تصويير

بس يلا لازم نشبع الحس الطفولى اللى جواهم دا

خرجنا من الجامعة وبعدين

روحنا الوكالة وجبنا منها الأكل وماشاء الله كان يكفى الوكالة إننا بس اللى نشترى منها النهاردة

:)))

وطبعا صورنا العيال بالأكل بتاعهم

اتصورت انا ومى وناهد بسلة الأكل والعصير

:))

والعيال التانيين صورناهم برده

واسراء كانت ماسكة طبق البيتزا بتاعها

:)))

إقترحنا نجيب حبة رنجه وفسيخ وسردين وحبة عيش وبصل

وعيش الحياة

:)))

بس العيال قالوا بلاش

قولتلهم خلاص نشترى بيض ومعانا إقلامنا نلون البيض بيها

:)))
والفكرة لاقت قبول فى مخيلة البشر وكل واحد خد بيضته ولونها فى خياله وهو واقف فى ساعتها

خرجنا من الوكالة وجت لحظة تعدية الطريق

طبعا طبعا ماشاااااااء الله 14 فرد بيعدوا

طبيعى ان الطريق يقف عشانا

:))

وعدينا الحمدلله

جينا بئى ندخل الجونينه

نسأل الفرد بكام ؟؟

بنص جنيه

اعدنا نجمع انصاص انصاص

وفى الآخر ادينا للست اللى واقفه الفلوس

وكله يدخل وهى عمالة تعد

ماشاء الله ودخلنا كلنا

طبعا الذكريااااااااااات هجمت على ذاكرة الواحد

وافتكرت وانا صغيرة لما كنت باجى مع عيلتى وكان يوم بيبئى جميل

وبتمرررررررررررررجح

للاسف المراجيح دلوقتى غير مسموح بيها لكبار السن

اللى هم إحنا !!!

المهم الجونينه متغيرتش مازال هناك صور ام كلثوم والشيخ الشعراوى وغيرهم اللى محطوطه على جدار ناحية الشمال

دخلنا عند النيل وقعدنا على الكورنيش

ومىإقترحت إننا نعد على المرسى

ونزلت انا ومى وناهد وقعدنا على المرسى

وتحتنا الصخور وفى وشنا النيل

طبعا منظرنا كان يدعوا للتسائل

والناس كنت حاسه انهم بيقولوا ايه دول

:))

كمية بنات جايين لواحدهم

و3 هبل منهم نزلوا قعدوا على المرسى

بس على ميييييييييين احناولا يهمنا

طبعا هدومى اتبهدلت وضحيت بنظافتها واناقتى الدائمة فى سبيل إنى اعد على المرسى

والهدوم لسه مغسوله اول امبارح يعنى ملحقتش البسها غير امبارح والنهارده

يالل الجمااااااااال

:))

يلا مش مشكلة

المهم

قدعنا وكلنا والعيال بئى ايييييييه

الحقد الطبقى بتاعهم اشتغل

كل واحده عايزه تنزل تعد على المرسى

لا نتصور واحنا ورانا النيل

ولا الصخور مش عارفه ايه

تقلييييييييييييييييييد

:)))

وطبعا كلنا اتصورنا لما اتظبطنا ومزاجنا بئى فل

وعلى الصخور وورانا النيل وكل حاجه

وطبعا فى واحدة عبيطة كدا

صممت إنها تلمس مية النيل وتبل إيدها

وبالفعل صورنا هبلها دا فيديون وهى بتبل ايدها وفرحانه زى العبط

وتقول هيييييييييييه ايدى مبلوله

طبعا العبيطة دى اسمها مى

:)))

طبعا طبعا

كل واحده فينا نسيت نفسها وبقينا كلنا هبل فى بعض

نجرى هنا ونروح هناك

وبعد ما خلصنا المرسى

طلعنا وجبنا غزل البنات

طبعا مش كلنا جبناه

بس جبته وميو ونانا كمان

وكلناااااااااااااه

طبعا ان الواحد ياكل غزل البنات دا تحت النقاب

صعبه شويتين

:)))

بس على ميييييييين كلنااااااه برده

وبعدييييييييين

ركبنا مركبة

المركبة بقت غاليه اوى

ولا عشان احنا فى موسم ؟؟؟؟

ولا ربما لانى دايما لما بركبها مبدفعش فلوس

بتبئى عزومه دايما

:)))

المهم الفرد فى المركبة كان ب 2

وبردة المرادى مدفعتش فلوسها :))) وكانت عزومه

محدش ينئ هااا

ولا يقر برده

انا عرافة حركاتكم

وطلعنا الدور التانى فى المركبة

وطبعااااااااا كعادتنا اتكركبنا احنا البنات

بس كنا ساعتها 13 لان سرسور سابتنا وروحت

13 بنت اتكركبوا سوا واتصورنا

و Say Cheeeeeeeeeeeeese

وااااااااااااااااو

احساس راااااااااااائع بالهوا فى الدور التانى من المركب

وتحت المية

وخدنا لفة محترمه

وخدنا صور بالهبل

هبه عبد العزيز بئى

كانت نفسها تتصور تحت

ونزلت واتصورت

بس طبعا على ميييييييييييييين

كلنا شوفناها من فوق

وكلنا جررررررررررى على تحت

عايزين نتصور نفس المنظر

:)))

مش قولتلكم حقد طبقى

كلنا كنا بنحقد على بعض النهارده طبقاااااااات طبقاااااااات

:)))
وكنا بنعمل نفس التصرفاااااااااات

:))))

المهم

الراجل اللى بيسوق المركب قالهم انه معتش شايف يسوق

ف اضطروا انهم يطلعوا تانى

عشان عمو السواق يعرف يسوق

:))

بس طبعا هل انا هفوت تصويره زى دى

بعد ما عمو خلص سواقه ووصلنا تانى خلاص الجونينه

خدت صورة فى السريع كدا

واتصورت فى اتجاهين

يمين وشمال

:)))

هو دا الحقد الطبقى ولا بلاش

:)))

وبعدين بئى اتصورت فى حته حلوه اوى

كلها صخور كدا وفى شجر وحركات

:))

وطبعا ضحيت بنضافة هدومى فى سبيل صورة

وهبه ورودى اتصوروها برده والبت مى اتصورت معايا

:))

اااااااااااااه

كدا خلااااااااااااااص اللحظات الحلوة بتمر بسرعة

العيال كانوا عايزين يروحوا عشان اهالينا بئى

بس 10 روحوا و3 اعدوا

انا ومى وناهد

اعدنا كلنا شيبسى

ومى جابتلنا ووووووووورد انا ونانا

والراجل رشلنا عليهم برفان رجالى !!!!

:))) بس عامة كانت ريحتة حلوه انا بحب البرفان دا

والورده دلوقتى محطوطة عندى اهه وكبقية الورود هفضل حطاها لحد ما تتحنط واعينها مع إخواتها

:))

واتفرجنا على العيال بتوع رحلات المدارس

نسسسسسسسيت اقووووووووول

الجونينه كانت ملياااااانه رحلات

والعيال الصبيان دول متشردين بمعنى الكلمة

وقمة قلة الأدب

العيال اد ولادنا دول ابتدائى

بيقلوا ادبهم علينا

يلا عاااااااادى

المهم

مع انى كنت قايلة لماما هاجى 7

بس المفتريين روحونى الساعة 3 ونص

:(((

بجد اليوم دا كان تحفه ومش هيتنسى خالص

بس كان ناقصنا الناس اللى مجاتش

نتمنى المرة الجاية ان كل الأحباب يجوا معانا

:)))

سلاموووووووووووووووووووووز

وافتكروا الذكريات الحلوه دى